KORECOMM — Mouvman ki Vini pou Geri Mantalite a
Gwo batay Ayiti a pa sèlman mizè, politik, ni kriz.
Pi gwo batay la fèt anndan tèt nou.
Pandan plizyè jenerasyon, nou eritye yon chay ki lou anpil:
- chenn mantal ki mare lespri nou
- kwayans ki detwi konfyans
- jalouzi ki souvan kache dèyè bon konsèy
- laperèz ki anpeche nou avanse
- yon lespri ki aprann rabese tèt li
- yon mantalite toksik nou resevwa kòm eritaj nan men zansèt nou yo
Anpil nan zansèt nou te kwè ke si pitit yo monte twò wo, sa t ap menase yo.
Yo te panse opòtinite se te yon danje, pa yon benediksyon.
Kidonk yo te anseye pitit yo:
- rete piti
- pa reve twòp
- pa depase fanmi an
- pa klere twòp
San nou pa menm reyalize, tout ide sa yo fin tounen “tradisyon mantal.”
KORECOMM kreye pou libere nou anba tradisyon mantal ki bloke avansman nou.
Sa Non KORECOMM nan Vle Di
KORE – Soti nan mo kreyòl “kore”
COMM – soti nan “communauté” ak “community”
KORECOMM = Kore kominote a.
Kore lespri a.
Kore Yon Nouvo Mantalite.
Poukisa KORECOMM Egziste
KORECOMM egziste pou kraze chenn mantal ki kenbe yon jenerasyon dèyè.
Chenn tankou:
- “Ou pa ka fè sa.”
- “Rete nan limit ou.”
- “Pitit pa dwe depase paran.”
- “Moun rich yo mechan.” / “Moun rich pral nan lanfè.”
- “Siksè se chans.”
- “Pa reve twòp.”
- “Pa fè plis pase lòt moun.”
Kwayans sa yo kraze konfyans, yo touye anbisyon,
epi yo fòme yon jenerasyon antye ki pè pwòp potansyèl yo.
KORECOMM la pou vire istwa sa sou do l.
Nou aprann jèn yo:
- reve
- konstwi
- padone
- grandi
- lwa atraksyon
- pran responsabilite
- aplaudi lòt moun
- kwè nan tèt yo
- kase ansyen mantalite
- chwazi disiplin olye eskiz
Lè mantalite a chanje, avni an chanje.
Sa ki Fè KORECOMM Diferan
- Liberasyon mantal se premye misyon nou.
- Nou anseye prensip esansyèl yo te bliye eksplike bay jèn yo.
- Nou pa kreye “followers,” nou bati kominote.
- Nou ale kote yo bliye — kote limyè pa janm rive.
- Nou bay opòtinite san politik, san ego, san ajanda.
Vizyon KORECOMM
Nou reve yon Ayiti kote:
- jèn yo kwè nan tèt yo
- fanmi yo ankouraje pitit yo depase yo
- kominote yo sipòte youn lòt
- siksè vin enspirasyon
- lajan vin zouti pou libète
- edikasyon mantal vin nòmal
- jalouzi ranplase pa kolaborasyon
- limit ranplase pa vizyon
- opòtinite aksesib pou tout moun
Nou ap fòme moun ki ka kreye demen an.
Kore Yon Lòt Mantalite.
Blog sa a se Premye Brik la
Nou chwazi kraze chenn yo.
Nou chwazi bati youn lòt.
Nou chwazi chanje istwa a.
Nou chwazi kore kominote a.
BYENVINI NAN KORECOMM
Kore Yon Lòt Mantalite 🥷
Se la mouvman an kòmanse.
Meilleure plateforme de motivation .
Elle est là pour aider les jeunes à promouvoir leurs capacités . Je suis honoré en faisant cette commentaires car cette plateforme m’a vraiment aidé pour faire ressortir toutes mes potentialités .
Kore comm 💥 kore Yon lòt mantalite 💯